مسلم د لوړو زده کړو مؤسسه د سيمې او نړۍ پرمختګ ته په کتلو سره د خپلو علمي برنامو د پراختيا او د وړ مديرانو،څارنوالانو او رهبرانو روزنې ته په علمي برخه کې نه ستړېکېدونکي هلې ځلې د هېواد د لوړو زده کړو وزارت دنافذه قوانينو په رڼا کې تر سره کوي. د مؤسسې د ستراتيژيک پلان موخې د روغتيايي او اکاډميکو برنامو تطبيق او لوړو زده کړو ته لاسرسی او همدا ډول د تدريس لپاره د غوره چاپېريال جوړول . د دغو موخو په نظر کې نيولو سره کولای شو د مؤسسې موخې په لاندې ډول مشخصې کړو: 1. د غوره مديرانو،څارنوالانو او رهبرانو روزل، د هېواد دکار بازار د غوښتنو مطابق. 2. استادانو او محصلينو ته د عادلانه فرصتونه برابرول او د علمي او مسلکي کچې لوړوالی يې . 3. د ماسټري او ليسانس پلانونو ته پراختيا ورکول. 4. د پوهې توليد او څېړنې . 5. زده کړې د پوهې د لېږد له لارې . 6. انتقادي فکر . 7. ګډ مديريت [ .... لاډیر  ....]

مسلم د لوړو زده کړو مؤسسه د لوړو زده کړو د يوه معياري مرکز په توګه، خپل تحصيلي، مسلکي او تخصصي خدمتونه په نظري او عملي برخه کې د اسلامي او ملي ارزښتونومطابق د خپل ستراتيژیک پلان او پاليسيو په نظر کې نیولو سره هيوادوالو ته وړاندې کوي. [ .... لاډیر  ....]

مسلم د لوړو زده کړو مؤسسه غواړي او ژمنه ده، چې هېواد والو ته د پوهې په کمي او کيفي برخه کې نه ستړې کېدونکې هلې ځلې وکړي، او خپلې کړنې په ملي او نړيواله کچه برابرې کړي او د يو علمي، څېړنيز او مسلکي مرکز په توګه د دې هېواد د خلګو وړتياووته په ملي او نړيواله کچه پراختيا ورکړي. [ .... لاډیر  ....]

موږ په ۱۳۹۴لمريز کال کې د غزني په لرغوني ښارکې په فعاليت پیل وکړ

د یو ملت بقا او سرلوړي دهغه په کلتوري بقا او علمي بډاینه کې نغښتې ده، دملي، کلتوري ارزښتونو خوندیتوب بډاینه او بقا د ملتونو په ویښتابه ، تحرک،لوړ ملي شعور له خپلو ملي ارزښتونو سره د پوره اشنايي له کچې سره مستقماً متناسب دی. پوهنتونونه، په ټوله کې د زده کړو، نیمه لوړو زده کړو او لوړو زده کړو بنسټونه باید هڅه وکړي چې له یوې خوا خپل کریکولم او تحصلي نظام له نړیوالو منل شویو علمي معیارونوسره هم غږی او له بلې خوا د خپلې ټولنې تاریخي، فرهنګي، دیني، ټولنيزو او ملي ارزښتونو سره د محصلینو د پوره بلدتیا په موخه د خپل تحصلي نظام په اډانه کې داسې رغنده لارې چارې په پوره ځیرکتيا او نوښت په څرګندو کرښو کې تر سیم کړي، چې د وخت غوښتنې او اړتیاوې ځواب کړي. پورته څرګندونو ته په کتو سره له ګنو سلا مشورو وروسته مسلم پوهنتون چې کریکولم او تحصلي نظام يي له نړیوالو اصولو او معیارونوڅخه د پوره اغیزمنتوب ترڅنګ د ټولنې د عینی شرایطو، واقعیتونو او علمي هیلو او اړتیاوو د انعکاس هنداره ګڼل کېږي؛ داسلامي تمدن په پلازمېنه (غزني) کې بنسټ کېښودل شو. یاد نهاد چې د هېواد د اساسي قانون د (46) مې مادې د حکم په رڼا کې دلوړو زده کړو محترم وزارت، دخصوصي لوړو زده کړو موُسسو او پوهنتونو محترم ریاست په مستقیمه لارښوونه د1394 لمریز کال د جوزا میاشتې په (31) مه نېټه د پرلپسې (112) او د ثبت (485) یمې ګڼې پر اساس دیو علمي ـ تحصلي نهاد په توګه رسماً د څلورو پوهنځيو په لرلو سره خپل فعالیت پيل کړ. پوهنځي: 1:- حقوق اوسیاسي علوم 2:-اقتصاد 3:- معالجوي طب 4:- ستوماتولوژي

نثارمسلم دتخنیکي اومسلکي زده کړو انستیتوت په ۱۳۹۸ ل ل کې داساسي قانون د۴۶ مې مادي دحکم او د خصوصي مؤسیسو د مقرري پربنسټ د تخنیکي اومسلکي زده کړو په برخه کې د فعالیت جواز ترلاسه او په همدي کال کې يې د دریو څانګو (کمپیوټرساینس، انګلیسي ژبې ادبیات او ژورنالیزم) په لرلو سره دغزني ولایت په مرکز کې فعالیت پیل کړ. یاد انستیتوت علمي، کلتوري، اوملي ارزښتونو ته په کتو سره ژمن ده چي ټولنې ته په تخنیکي اومسلکي زده کړو سمبال علمي کارونه وړاندې او ټولنه له علمي اړخه ارتقا، پرمختګ اوځان بساینې لورته سوق کړي.

مسلم روغتیايي علومو انستیتوت په هېواد او په ځانګړي ډول غزني ولايت کې د مسلکي روغتيايي کارکوونکو د نشتوالي ستونزې ته په کتلو سره په ۱۳۹۴ل.ل کال کې په غزني ولايت کې فعاليت پیل کړ، چې تر دې دمه يې ټولنې ته د پینځو دورو فارغينو په وړاندې کولو سره د غزني او شاوخوا سيمو د مسلکي روغتيايي کارکوونکو د نشتوالي ستونزه تر يوه بريده را کمه کړې، همدارنګه په علمي برخه کې یې د مجربو استادانو پر مټ ستره بریا تر لاسه کړې ده. مسلم روغتیايي علومو انستیتوت په هېواد (په ځانګړي ډول غزني ولایت) کې یوازینی علمي نهاد دی، چې د هېواد په کچه یې ډېر ژر په علمي ډګر کې خپل ځان څرګند او د خلکو د طبي مسلکي زده کړو یو باوري مرکز وګرځېد. نوموړی علمي مرکز په دې وتوانېد، چې په ډېره کمه موده کې د زرګونو محصلینو پر مخ یوه ستره او ډاډمنه علمي سرچينه وګرځي، همدارنګه په علمي او عملي برخو کې یې سترې لاسته راوړنې د یادولو وړ دي. مسلم د روغتيايي علومو انستيتوت اته څانګې لري(عالي نرسنګ، د غاښونو پروتيز، لابراتوار، قابلګي، فارمسي، راديولوژي، انستېزي او فزيوتراپي)چې تر دم ګړۍ يې پورې يې په يادو څانګو کې پنځه دورې فارغين د ټولنې د ستونزو د هواري په موخه فارغ کړي دي .

وروستي راپورونه او انځورونه

وروستي خبرونه

زموږ په اړه خلګ څه وايي